هەرێم و ڕۆژهەڵاتی ناوەڕاست
حکومەتی هەرێم هێرشەکانی ئێران بۆ سەر هەرێمی کوردستان بە توندی سەرکۆنە دەکات
سەرۆکایەتی ئەنجومەنی وەزیرانی هەرێمی کوردستان لە راگەیەندراوێکدا بە توندی هێرشە بێ پاساوەکانی کۆماری ئیسلامی ئێران بۆ سەر هەرێمی کوردستان سەرکۆنە کرد. حکومەت جەخت لەوە دەکاتەوە کە ئەم دەستدرێژییانە پێشێلکردنی ئاشکرای سەروەری خاکی عێراق و هەرێمی کوردستانە.
سەرۆکایەتی ئەنجومەنی وەزیرانی هەرێمی کوردستان لە راگەیەندراوێکدا بە توندی هێرشە بێ پاساوەکانی کۆماری ئیسلامی ئێران بۆ سەر هەرێمی کوردستان سەرکۆنە کرد. حکومەت جەخت لەوە دەکاتەوە کە ئەم دەستدرێژییانە پێشێلکردنی ئاشکرای سەروەری خاکی عێراق و هەرێمی کوردستانە.
لە بەیاننامەکەدا هاتووە کە ئەم هێرشانە هەڕەشەیەکی جددی و گەورەن بۆ سەر ئاشتی و سەقامگیریی گشتیی ناوچەکە و دەبێت کۆتایی بەم گرژییە مەترسیدارانە بهێنرێت کە زیان بە ژیانی هاووڵاتییانی مەدەنی دەگەیەنن.
حکومەتی هەرێم داوا لە کۆمەڵگەی نێودەوڵەتی و حکومەتی فیدراڵی دەکات هەڵوێستی جدیان هەبێت بۆ ڕێگریکردن لە دووبارەبوونەوەی ئەم هێرشانە و پاراستنی سەروەری و ئارامیی وڵات. [gov.krd](https://gov.krd)