هەرێم و ڕۆژهەڵاتی ناوەڕاست
حکومەتی هەرێم ڕێژەی ١٢.٦٨٪ ڕەتدەکاتەوە و داوای ١٤.١٤٪ دەکات بەپێی ئەنجامی سەرژمێری
حکومەتی هەرێمی کوردستان بڕیاریدا ڕێکاری یاسایی بگرێتەبەر بۆ ئەوەی حکومەتی فیدراڵی بەغدا ئەنجامی فەرمیی سەرژمێری ساڵی ٢٠٢٤ جێبەجێ بکات. بەپێی ئەم سەرژمێرییە، پشکی دروستی هەرێمی کوردستان لە بودجە و شایستە داراییەکاندا دەبێت ١٤.١٤٪ بێت نەک ئەو ڕێژەیەی کە ئێستا پەیڕەو دەکرێت کە ١٢.٦٨٪یە.
حکومەتی هەرێمی کوردستان بڕیاریدا ڕێکاری یاسایی بگرێتەبەر بۆ ئەوەی حکومەتی فیدراڵی بەغدا ئەنجامی فەرمیی سەرژمێری ساڵی ٢٠٢٤ جێبەجێ بکات. بەپێی ئەم سەرژمێرییە، پشکی دروستی هەرێمی کوردستان لە بودجە و شایستە داراییەکاندا دەبێت ١٤.١٤٪ بێت نەک ئەو ڕێژەیەی کە ئێستا پەیڕەو دەکرێت کە ١٢.٦٨٪یە.
ئەم هەڵوێستەی هەرێم دوای هەڵسەنگاندنێکی وردی داتاکانی سەرژمێری دێت، کە حکومەت پێی وایە پشتبەستن بە ڕێژەی کەمتر مافە دارایی و دەستوورییەکانی هەرێم پێشێل دەکات. بەرپرسانی هەرێم جەخت لەسەر ئەوە دەکەنەوە کە پێویستە دابەشکردنی بودجە لەسەر بنەمای داتای دروست و ئاماری پشتڕاستکراوەی سەرژمێری بێت.
بڕیارە لە قۆناغی داهاتوودا هەنگاوی یاسایی و گفتوگۆی فەرمی لەگەڵ لایەنە پەیوەندیدارەکانی بەغدا ئەنجام بدرێت بۆ ڕاستکردنەوەی ئەم جیاوازییە ئیداری و داراییە. [gov.krd](https://gov.krd)